Asmel n Intirnat n Uɣlif n usegmi d usileɣ n udavu aqbayli deg yinig (Anavad) yesskanay-d yiwet n tmuɣli tastratijit n usegmi deg tmurt n Leqvayel timziregt. Yewwi-d ɣef temsal timeqqranin n unagraw n usegmi, gar-asent tiẓraf n uɣervaz, iswiren yemgerraden n uɣervaz, amesni n uɣervaz atrar, iseččuyen n uɣervaz, addal, am wakken ad d-ilin iwellihen d tnilawin ɣef tneflit d usnerni n yinelmaden.
Asmel-a yettak-d daɣen igemmaḍ n yisalen n usegmi, ama deg tmurt n Leqbayel, ddaw udabu amesbaṭli azzayri, ama deg tmura tigraɣlanin. Ad ilint ula d tizemmar d wallalen ara yefken iswi i welmad akadimi yufraren, aselmed, asileɣ amsadur d usegmi unnig, am wakken ara yettakf tiɣbula i yimawlan d yimeggiyen n usegmi.
Asmel-agi d tawwurt n weɣlif, yettak-d abrid n usnuffes (synthèse) i yisalan yerzan anagraw n usegmi i yesbedd unabaḍ aqbayli deg yinig i tmurt n Leqbayel, seg uɣerbaz alma ufraren yinelmaden, gar-asen timeṣkiwin d yiweẓla icudden ɣur-s.
Anagraw n usegmi
Ḍill ɣer tuddsa d tgemmi n unagraw n usegmi, asenti-is d yeswiren yemgaraden n usegmi, si teɣrasin n yigerdan ar asegmi n akayad n lbak, gar-asen aselmed unnig d usileɣ amsadur. Ad tafeḍ daɣen tarrayt ay yesseqdec uneɣlaf d tegrawin-ines akken ad d-yesnulfu anagraw-a n usegmi, i d-yessuddem si tmuɣli n yinagrawen ay d-yettwasqedcen deg umaḍal ilmend n yisalan ay d-yessuffeɣ wahil agraɣlan n tuzzma n yinelmaden (PISA). Ttwafken-d daɣen yegzulen n tmeẓla n usnefli n wahilen n uɣerbaz, tarrayin n uselmed, am wakken i d-ttwafkent tisufaɣ n yal aswir n ussegmi.
Tameṣkiwt n uɣervaz
Asmel-a yesskanay-d ussisen imezgan yetteg weɣlif ilmend n uḍman n yiɣervazen atraren, i yesɛan taɣellist, i yeddan d wayen iwulmen inelmaden, yeddan d tmuɣli n Leqvayel tatrart yerna d tin i d-yessasayen. Yemmal-s taṣekkiwt tamaynut, lḥerǧ, am wakken ay d-yesskanay temɣer n tneɣriyin d yimukan n usegmi. Yettak-d isalan ɣef levni, aḥarev d useqdec n yiɣervazen, am wakken ay d-yettak isalan ɣef tvaɣurt i yeqqnen ɣer yisenfaṛen n tmeṣkiwt. Tugniwin d tfelwiyin llant akken ad d-fkent tamuɣli ɣef tewsit n yisenfaṛen d tmeṣkiwt n usegmi i d-yessumer unavaḍ aqvayli deg yinig i tmurt n Leqvayel timziregt.
Amesni n uɣervaz atrar d tɣellist
Asekcem ɣer usegmi d ayen i yezwaren. Asmel-a yefka-d isalan ɣef teswatin n tkeṛṛusin d yiweẓla n umesni n uɣervaz, agerrez n webrid, d wallalen ara iḍemnen taɣellist d tumert n yinelmaden.
Tixxamin n uɣervaz d tzeɣwa n wučči
I Tmurt Taqvaylit timziregt, nessaram adavu aqvayli ad yesseḍru tizeɣwa n wučči deg yiɣervazen iwulmen akken ad d-yefk tuččit tadawsant i yinelmaden akk. Asmel-a yefka-d isalan ɣef tgemmi n tzeɣwa n wučči deg uɣerbaz, tumuɣin n wučči, am wakken ay d-tefka tizemmar ay yesɛan iswi n usnerni n tuččit tadawsant iwatan, yerna ad d-ttwafken s tugdut i yinelmaden, war-maḥyaf.
ⴰⵙⴻⴴⵎⵉ ⵏ ⵝⴼⴻⴽⴰ ⴸ ⵡⴰⴷⴰⵍ
Aslaɣmu n tfekka d waddal d ayen ilaqen i usnerni amatu n yinelmaden. Asmel-a yesskanay-d azref n usegmi n tfekka i yinelmaden akk i izemren, am wakken ay d-yesskanay ahil n leqdic, tignatin d wahilen n temsizzelt n waddal amnaḍan d ger yiɣervazen, d tmeẓdiyin ay yettwawehhan i wesnerni n waddal.
Tadawsa d tezmert n yinelmaden
Tawennaḍt n uɣerbaz yelhan d ayen ilaqen i wefrari. Asmel-a yesskanay-d tizemmar n uḥezzeb mgal tdawsa am wakken ay d-yesskanay inagrawen n uḥezzeb deg yiɣervazen, yernu iswi-nnes d aḍman n tdawsa n tfekka d wallaɣ n yinelmaden.
Anerni d usenfali n yinelmaden
Aɣlif yesseḍray tistratijiyin n tallalt i yal anelmad deg usnerni n timmadi-is d tmussniwin-is. Ttwaqeddmen yifarisen i usnerni n uḥulfu d tmussni d tmetti n yinelmaden.
Iseqquma d tisufaɣ ɣer usifrer aɣurviz
Asmel-a yefka-d isalan ɣef yiweẓla n uwelleh n uselmed d tnefsit, am wakken ay d-yettak ahil n uselmed akken ad allen inelmaden ad ssiwḍen ad ifriren deg tmeddurt-nsen tasdawant d temsadurt.
Isalan n usegmi
Issinet yir-timseḍfar n unagraw n usegmi azzayri, ahilen-is n tesnakta d wayen ilaqen i uzarug n tmurt n Leqvayel i wakken ad d-yili uḍman n unagraw n usegmi iwatan yerna d win ara yessenfalin arraw n Leqvayel.
Ṭṭafaret daɣen ineḍruyen igraɣlanen ineggura yerzan asleɣmu deg ugzum n usegmi, tisenfaren n usegmi, d tedyanin yerzan asnerni d useḍru n yizeḍwan n usegmi deg tmura yettwasnernan.
Iswiren n uɣervaz
Isalan ttwasuddsen ilmend n yeswiren n uɣervaz : tizeɣwa n yigerdan, aɣervaz uqvel aɣervaz, aɣervaz amenzu, aɣervaz alemmas, aɣervaz alemmas, asileɣ n tmussniwin d uselmed unnig. Yal aswir yettwaqeddem s tɣawla s yisalan ɣef yisuḍaf, ahilen, tarrayin n uselmed d tfukal n usnerni.